გინიოში მდებარე N 91 საარჩევნო უბანზე, სადაც ცოტა ხნის წინ ენმ-ის წევრების ლევან ვარშალომიძისა და მურმან დუმბაძის გამოჩენას ხმაური და დაპირისპირება მოჰყვა, „ერთიანი ნაციონალური მოძრაობის” მხარდამჭერი სპორტსმენები მოვიდნენ.
როგორც ერთ-ერთმა მათგანმა, ფირუზ წულიკიძემ განაცხადა, აქ მოვიდნენ, რადგან საკუთარი და ქართველი ამომრჩეველის ხმა დაიცვან.
„გავიგეთ, რომ მოხდა დაპირისპირება, ლევან ვარშალომიძეს თავს დაესხნენ, მცდელობა იყო რა თქმა უნდა, უსუსური. აქ ვართ ჩვენ, რომ ზედმეტი რამე აღარ მოხდეს.
ეს პროვოკაციები, გამოწვევები, მე მგონი, მიუღებელია. ერთ ქალაქში ვცხოვრობთ და არ გვინდა ამ ადამიანებთან დაპირისპირებაში შევიდეთ, მაგრამ ჩვენ ჩვენი ქვეყნისთვის, ჩვენი ხალხისთვის ყველაფრისთვის მზად ვართ. არ ვაპირებთ, რომ ვინმეს ჩვენი და ჩვენი საზოგადოების სურვილი და ნება გავატანოთ და ყველაფრისთვის მზად ვართ.
ადამიანებს უნდა ჰქონდეთ თავისუფალი ნების გამოხატვის უფლება და ჩვენც მაგიტომ ვართ, რომ ამ ყველაფერს რითიც შეგვიძლია შევეწინააღმდეგოთ. ვფიქრობთ, რომ რაღაც ეტაპზე გამოგვდის და ყველაფრისთვის მზად ვართ. არ მივცემთ არავის უფლებას, რომ პროვოკაცია მოაწყონ.
შემთხვევის დროს არ ვიყავით, ახლა მოვედით, არ ვიცით ვინ მოაწყო ეს პროვოკაცია, მაგრამ როგორც ყველა უბანზე და ყოველთვის, მმართველი გუნდის მხარდამჭერები ახდენენ ამ პროვოკაციას.
ჩვენ მშვიდად ვართ. ვიცით, რომ გამარჯვება ჩვენსკენაა, ვინარჩუნებთ სიმშვიდეს და ველოდებით ბიულეტენების დათვლას. დავიცავთ ბოლომდე ჩვენს და ჩვენი საზოგადოების თითოეული წევრის ნებას“, – განაცხადა ფირუზ წულუკიძემ.
შეგახსენებთ, ფირუზ ბოლქვაძის ძმა, რეზო წულუკიძე ხულიგნობის მუხლითაა დაპატიმრებული. ძმის გათავისუფლების მოთხოვნით, ფირუზ ბოლქვაძის სახელს უკავშირდება ბათუმში არაერთი ხმაურიანი აქცია, ასევე რამდენიმე დღის წინ ხულოში აჭარის მთავრობის თავმჯდომარე თორნიკე რიჟვაძისა და მმართველი გუნდის დეპუტატობის კანდიდატის ანზორ ბოლქვაძის მოსახლეობასთან წინასაარჩევნო შეხვედრების ჩაშლის მცდელობა.
ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე
ავტორი: ნაირა ქობულაძე
