პარიზის გარეუბანში სკოლის მასწავლებლის, სამუელ პატისთვის თავის მოკვეთის საქმეზე ბრალი მის 4 მოსწავლეს წაუყენეს. ინფორმაციას ამის შესახებ სააგენტო AFP ავრცელებს.
გამოძიების ინფორმაციით, ისინი თავდამსხმელს მასწავლებლის იდენტიფიცირებაში დაეხმარნენ და ამის სანაცვლოდ რამდენიმე ასეული ევრო მიიღეს.
კიდევ ერთ მოსწავლეს ბრალი გამოძიებისთვის ცრუ ინფორმაციის მიწოდებაში ედება. ამჟამად სამუელ პატის მკვლელობის საქმეზე 14 ადამიანია ბრალდებული.
პარიზის გარეუბანში მასწავლებელს თავი 16 ოქტომბერს მოკვეთეს. ემანუელ მაკრონმა მომხდარს ტერორისტული აქტი უწოდა.
არსებული ინფორმაციით, 2002 წელს დაბადებული თავდამსხმელი აბდულაჰ ანზოროვი ჩეჩნური წარმოშობისაა და ის მოსკოვში დაიბადა.
