“დღეს ჩვენ პიკის ფაზაში შევედით და ეს დაახლოებით 10 დღე გაგრძელდება, – ამის შესახებ ჯანდაცვის მინისტრის პირველმა მოადგილე თამარ გაბუნიამ უწყებათაშორისი საკოორდინაციო საბჭოს სხდომის დასრულების შემდეგ განაცხადა
„ამ ეტაპზე ყველაზე მნიშვნელოვანია უკვე არსებული შეზღუდვები აღსრულდეს. დღეს უწყებათასაბჭომ იმსჯელა არსებული ზომების და მონიტორინგის გამკაცრებაზე, ასევე მკაცრ რეკომენდაციებზე პირბადის ტარებასთან დაკავშირებით, რადგან პირბადე არის ვირუსისგან დაცვის ერთ-ერთი მთავარი საშუალება. ჯანდაცვის სამინისტრო გასცემს მკაცრ რეკომენდაციას პირბადის ტარებაზე, როგორც დახურულ, ასევე ღია სივრცეში. ქორწილები და სხვა დიდი ყრილობები, ყველაფერი ხდება რეგულაციების დარღვევით.
წაიკითხეთ: ლოქდაუნსა და დამატებით შეზღუდვებზე საკოორდინაციო საბჭოს გადაწყვეტილება ცნობილია
ამდენად, ჩვენი მთავარი ბერკეტი არის ისევ მონიტორინგი და ის რეგულაციები, რაც დღეს უკვე დაწესებულია. ჯერჯერობით იმ რეგულაციების გამკაცრება, რომელიც დაწესებულია, არ იგეგმება და მთავარი უკვე მოქმედი რეგულაციების აღსრულებაა. თითოეული მოქალაქის და მისი ოჯახის წევრების დაცვისთვის მნიშვნელოვანია, რომ თავად მიიღოს გადაწყვეტილება რეგულაციების დაცვის.
პირბადის ტარება არის ჯანდაცვის სამინისტროს მკაცრი რეკომენდაცია და მივმართავთ მოქალაქეებს, რომ სადაც შესაძლებელია, ყველამ ატაროს პირბადე. რაც არ უნდა სანქციები დაწესდეს, თუ თავად არ მიიღო მოქალაქემ გადაწყვეტილება, ეს სანქციები არის უბრალოდ ფორმალობა. პროგნოზულად, რომელსაც საერთაშორისო პარტნიორებისგან ვიღებთ, ჩვენ უკვე პიკის ფაზაში ვართ, ეს ფაზა დაახლოებით 10 დღე გაგრძელდება” , – განაცხადა გაბუნიამ.
