რასაც ვეუბნებით მოსახლეობას, იმას ვაკეთებთ, – ამის შესახებ დედაქალაქის მერმა, კახა კალაძემ განაცხადა.
კალაძემ მოქალაქეებთან კომუნიკაციის მნიშვნელობაზეც ისაუბრა და განაცხადა, რომ პოლიტიკოსი ხალხს უნდა ესაუბროს არა მარტო იმის შესახებ რას აკეთებს, არამედ იმაზეც რასაც ვერ აკეთებს.
“ზოგადად, მინდა ყველას ვუთხრა, ჩვენ გვაქვს ზუსტად ასეთი მიდგომა და დამოკიდებულება – რასაც ვეუბნებით მოსახლეობას, იმას ვაკეთებთ. არის ისეთი რაღაცეები, სადაც შეიძლება დღეს არ შეგვეძლოს კონკრეტული ნაბიჯების გადადგმა, მაგრამ ამის თქმის არ გვერიდება და ეს არის სწორი დამოკიდებულება, რომ საზოგადოებამ იცოდეს ის რასაც აკეთებ. რასაც ჰპირდები და ასრულებ დანაპირებს, მაგრამ ასევე ისიც უნდა უთხრა, კონკრეტულ რაღაცას რატომ ვერ აკეთებ და რა არის ამის მიზეზი და როდის გააკეთებ. ეს კომინუკაცია მნიშვნელოვანია”, – განაცხადა კახი კალაძემ.
