ინფექციური საავადმყოფოს დირექტორი, თენგიზ ცერცვაძე ამბობს, რომ არ შეიძლება პოსტკოვიდური გართულებები ვაქცინას დავუკავშიროთ.
როგორც ცერცვაძე აღნიშნავს, ვაქცინამ იმის გარანტია უნდა მოგვცეს, რომ კოვიდის შემთხვევები ძალიან შემცირდეს.
„100%-ით ვერ იცავს, მაგრამ სხვადასხვა მონაცემებით, დაახლოებით 70-დან 95%-მდე იცავს. მძიმე შემთხვევებიდან „ასტრაზენეკა“ 100%-ით იცავს. მძიმე შემთხვევა რას ნიშნავს იცით, „ასტრაზენეკას“ რომ გაიკეთებ, ის ვერ გიცავს მთლიანად, რომ ავად არ გახდები, შეიძლება ვინმე დაინფიცირდეს, მაგრამ მძიმე ფორმა, მძიმე მიმდინარეობა არ განუვითარდება და სიკვდილით არ დამთავრდება. პოსტკოვიდურ გართულებას ვაქცინას ნუ დავუკავშირებით. არავითარი კავშირი არ აქვს. ვაქცინამ უნდა დაგვიცვას ინფიცირებისგან. ვაქცინას პოსტკოვიდურ სინდრომთან არავითარი კავშირი არ აქვს“, -განაცხადა ცერცავძემ.
