„ჩვენს ქალაქში არ უნდა იყიდებოდეს კოეფიციენტები და ეს ჩვენ სწორედ კახი კალაძის ადმინისტრაციის პირობებში ავკრძალე”,- ამის შესახებ პარლამენტის პლენარულ სხდომაზე ფრაქცია „ქართული ოცნების“ თავმჯდომარის მოადგილე ბექა დავითულიანმა განაცხადა.
„ჩვენი ქალაქი უკანასკნელი 30 წლის განმავლობაში, ამ განუკითხავი მშენებლობის შედეგად ნამდვილად დაზარალდა. პირველი სკოლის უკან გვაქვს მშენებლობა, რომელიც ჩვენი 30 წლის უკანონო და გაუაზრებელი მშენებლობების სახეა და ეს არ დაზარალებულა ჩვენი ხელისუფლების ხელში. ბატონმა მამუკამ ბრძანა, თუ წარმოგიდგენიათ ქალაქი როგორი უნდა იყოსო, კი, წარმოგვიდგენია, ეს დოკუმენტირებული გვაქვს და თბილისის განვითარების გენერალურ გეგმაშია ასახული, თუ როგორი უნდა იყოს ჩვენი ქალაქი. ჩვენი ქალაქი უნდა იყოს სატყეო ზონებით, სარეკრეაციო ზონებით, რომელიც უკვე 5 მილიონ კვადრატამდე გაიზარდა მხოლოდ ამ გენგეგმის მიღებით, ჩვენი ქალაქი უნდა იყოს სატრანსპორტო კორიდორებით, რომელიც ამ გენგეგმაშია დატანილი და უნდა იყოს მულტიცენტრები, რომელიც ასევე ამ გენგეგმაშია დატანილი. ჩვენს ქალაქში არ უნდა იყიდებოდეს კოეფიციენტები და ეს ჩვენ სწორედ კახი კალაძის ადმინისტრაციის პირობებში ავკრძალეთ.
არ ეხება ისტორიულ არეალს, რაზეც აქ დიდხანს იყო საუბარი. იმ შენობებს, რომლებზეც თქვენ საუბრობთ, ისტორიულ არეალში, ამ კანონპროექტით ამნისტია არ ეხება. არც იმაზე საუბარია სერიოზული, ვითომ ვიღაცას ვუკეთებთ, კონკრეტულ დეველოპერებს, რომ ვითომ რაღაცა ბრჭყალებში „გავუპრავოთ“. ბავშვები ხომ არ ვართ? რომ გვდომოდა „გაპრავება“ და შეზრდილი გვქონდეს ეს ბიზნესი, რამენაირად ნებართვას მივცემდით და „გაპრავება“ არ დასჭირდებოდა ამას“, – განაცხადა ბექა დავითულიანმა.
