„ქართული ოცნება“ არის პირველი პოლიტიკური ძალა, რომელმაც შეძლო და მესამე ვადით მოიპოვა ქართველი ამომრჩევლის ნდობა. ეს რეალობაა“,- ამის შესახებ იუსტიციის ყოფილმა მინისტრმა, თეა წუკუკიანმა პირველი არხის ეთერში საუბრისას განაცხადა.
როგროც წულუკიანი ამბობს, არავითარი ვადამდელი არჩევნების საკითხი არ დგას, არც იდეის დონეზე.
„რეალურად, საკითხი, რომელიც განხილვას ექვემდებარება და შეიძლება იყოს საერთო ხედვის გამონახვა არის საარჩევნო რეფორმა, უფრო სწორად ამ რეფორმის გაგრძელება. გახსოვთ 8 მარტის შეთანხმება, როდესაც არაერთი ადამიანისთვის ჩვენს რიგებში, მათ შორის ჩემთვისაც მიუღებელი მოდელი, მაგრამ ქვეყნისთვის საჭირო, ჩაითვალა კარგ საარჩევნო მოდელად და ოპოზიციის მიერ მოწონებული და ჩვენს მიერ კომპრომისის გზით მიღებული 8 მარტის შეთანხმებით ეს არჩევნები ჩატარდა ამ მოდელით, შესაბამისად, ამ მოდელის შედეგად ჩატარებული შედეგების გადახედვა ჩვენი მხრიდან უბრალოდ დაუშვებელია, რადგან არავითარი ეჭვი, რომ „ქართული ოცნების“ გარდა სხვა პარტიამ გაიმარჯვა ამ არჩევნებში, ან „ქართულ ოცნებას“ არ მიუღია ის 48 პროცენტი, რაც ურნაში აღმოჩნდა არის აბსოლუტური სიცრუე. მესმის, ბევრისთვის გასაოცარია, მიუღებელია, რომ „ქართული ოცნება“ არის პირველი პოლიტიკური ძალა, რომელმაც შეძლო და მესამე ვადით მოიპოვა ქართველი ამომრჩევლის ნდობა. ეს რეალობაა“,- განაცხადა წულუკიანმა.
