პარტია „ქართული ოცნების“ შეფასებით, „ერთიანმა ნაციონალურმა მოძრაობამ“ თავისი დესტრუქციული პოლიტიკური პროგრამის მარცხი ფაქტობრივად აღიარა.

„ქართული ოცნება“ პარლამენტში შესვლასა და მიშელის დოკუმენტზე ხელის არ მოწერასთან დაკავშირებით „ნაციონალური მოძრაობის“ დღევანდელ გადაწყვეტილებას „ტვიტერის“ გვერდზე ეხმაურება.

„ერთიანი ნაციონალური მოძრაობა“, რომელმაც ფაქტობრივად აღიარა თავისი დესტრუქციული პოლიტიკური პროგრამის მარცხი, იკავებს ადგილებს საქართველოს პარლამენტში. ამასთან, „ერთიანი ნაციონალირი მოძრაობა“ უარს აცხადებს ევროკავშირის შუამავლობით მიღწეული პოლიტიკური შეთანხმების ხელმოწერაზე, რომელიც არის პოლიტიკური კრიზისის დასრულების კონსენსუსის საფუძველი“, – აცხადებენ „ქართულ ოცნებაში“.

Radical United National Movement, having effectively admitted defeat of their destructive political agenda, takes up seats in Georgian Parliament. UNM, however, refuses to sign the EU-mediated political agreement, which is the basis for consensus for ending the political crisis.

— Georgian Dream (@GeorgianDream41) May 30, 2021

პარტია „ერთიანი ნაციონალური მოძრაობა“ პარლამენტში შედის. ამის შესახებ გადაწყვეტილება პარტიამ პოლიტსაბჭოს დღევანდელ სხდომაზე მიიღო.