„ქართული ოცნების“ ცენტრალური ოფისის ყველა თანამშრომელს Covid-19-ზე ტესტირება ჩაუტარდა. ამის შესახებ საპარლამენტო უმრავლესობის წევრმა ირაკლი კობახიძემ ჟურნალისტებთან საუბრისას განაცხადა.
მისივე თქმით, ტესტის პასუხი გუშინ მოვიდა და იგი უარყოფითია.
„ტესტირება მეც გავიარე, ასევე გაიარეს შტაბის სხვა წარმომადგენლებმაც, ზოგადად ყველა თანამშრომელმა. გუშინ წინ ჩატარდა ჩვენს შემთხვევაში ტესტი და გუშინ მოვიდა საბედნიეროდ უარყოფითი პასუხი. ვგეგმავთ, რომ როგორც პროტოკოლით არის გათვალისწინებული სამ დღეში ერთხელ ჩავიტაროთ ტესტირება“, – განაცხადა ირაკლი კობახიძემ.
შეგახსენებთ, რომ „ქართული ოცნების“ ცენტრაული ოფისის დამლაგებელს კორონავირუსი დაუდასტურდა.
ცენტრალურ ოფისში ინფიცირებულთან კონტაქტში მყოფი პირები იზოლაციაში გადავიდნენ, ხოლო თავად შენობას დეზინფექცია ჩაუტარდა.
ვინ არის ინფიცირების წყარო? – ნახეთ დეტალები
