„ქართული ოცნების“ ლიდერი ირაკლი კობახიძე გამორცხავს, რომ მმართველმა გუნდმა 2 ოქტომბრის თვითმართველობის არჩევნებზე 43%-ზე დაბალი მხარდაჭერა მიიღოს, თუმცა კობახიძე ამბობს, რომ თვითმართველობის არჩევნების შედეგების საფუძველზე ვადამდელი საპარლამენტო არჩევნები არ ჩატარდება.
„ერთი რომ – „ქართულმა ოცნებამ“ 1%-იც რომ აიღოს, თვითმართველობის არჩევნების საფუძველზე საპარლამენტო არჩევნები არ ჩატარდება, მეორე – ასეთ სცენარს არ განვიხილავთ, ვინაიდან აბსტრაქციებზე ვერ ვიმსჯელებთ. ჩვენ გვაქვს ძალიან მყარი მხარდაჭერა და შეგვიძლია იმ შედეგის გამეორება, რაც გვქონდა 2020 წლის არჩევნებზე“, – განაცხადა ირაკლი კობახიძემ „პალიტრანიუსის“ ეთერში.
