პარტია “გირჩის” ერთ-ერთი ლიდერი, ვახტანგ მეგრელიშვილი აცხადებს, რომ NDI-ის კვლევის შედეგები ქვეყანაში არსებულ მძიმე ეკონომიკურ ვითარებაზე მიუთითებს და ამავე დროს, ადასტურებს, რომ ქართველ ხალხს უნდა, პარლამენტი შედგეს.
“NDI-ის კვლევა ადასტურებს ორ რამეს: ერთი, რომ ეკონომიკური მდგომარეობა კიდევ უფრო გაუარესდება და მეორე, რომ ადამიანებს უნდათ, რომ პარლამენტი შედგეს ამ ქვეყანაში და რეალურად ჰგონიათ, რომ პოლიტიკური სტაბილურობა არის წინაპირობა ეკონომიკური სტაბილურობისაც. სინამდვილეში რასაც ვხედავთ, ვხედავთ პირიქით პროცესს, რომ დღეს ეკონომიკურ კრიზისს ვხვდებით სრული პოლიტიკური არასტაბილურობით, რაც არის მთავარი პრობლემა. რაც უნდა გავაკეთოთ დასკვნა იმისთვის, რომ ეკონომიკური პრობლემები მოვაგვაროთ, პირველ რიგში უნდა გვქონდეს პოლიტიკური სტაბილურობა”, – განაცხადა ვახტანგ მეგრელიშვილმა.
ცნობისთვის, NDI-ის კვლევის თანახმად, პრემიერ-მინისტრ გიორგი გახარიას საქმიანობას დადებითად აფასებს გამოკითხულთა 46%.
ამასთან, 76% ეთანხმება იმ აზრს, რომ ახალ პარლამენტში ყველა პარტია უნდა შევიდეს.
