მოქალქეებს არ ეყოთ სიბრძნე შეენარჩუნებინათ შუალედური ეპიდვითარება,- ამის შესახებ ექიმმა ჯონი ჯანაშიამ „ღამის კურიერის“ ეთერში განაცხადა.
მისი თქმით, არ შეიძლება ადამიანს გაგიხარდეს შეზღუდვების შემოღება, ამ დროს ჩვენი თანამოქალაქეები გარკვეულ მარწუხებში ექცევიან.
„როგორ შეიძლება ადამიანს გაგიხარდეს შეზღუდვების შემოღება, ამ დროს ჩვენი თანამოქალაქეები გარკვეულ მარწუხებში ექცევიან, მაგრამ ეტყობა ჩვენ ქართველებს არ გვეყო შესაბამისი სიბრძნე, რომ შეგვეფერებინა ის შუალედური მდგომარეობა, რომლის დროსაც კლება იყო გარდაცვლილთა რაოდენობამ. ყველამ ძალიან კარგად იცის, რამ წარმოქმნა ახალი კლასტერები – ისევ და ისევ ქართული თავდავიწყება, ქართული სუფრები. ეს არის მოქალაქეების პასუხისმგებლობა. როდესაც ეს შეზღუდვები დაწესდა, უკვე დაიწყო კლება, შემდეგ ერთგვარი პლატო ჩამოყალიბდა, რომ უკვე აღარ ხდებოდა მატება, მაგრამ ქართველმა კაცმა მაინც “ჰაიტ” დაიძახა თავისებურად, გაშალა სუფრა, გაშალა ხელები, ყოველგვარ შეზღუდვას ზურგი აქცია. სამწუხაროდ აქ მაკონტროლებელსაც გარკვეული ბრალი მიუძღვის, იმიტომ რომ რამდენჯერ მეტროში ჩავედი, არავინ არ გაუკონტროლებიათ, ეკეთათ თუ არა პირბადე იყო, ცხვირბადე თუ ნიკაპბადე,” – განაცხადა ჯანაშიამ.
