„ყველა პარტიამ უნდა იმოქმედოს შეთანხმების შესაბამისად: ეს ამოსავალი წერტილია. დოკუმენტი, რომელსაც ხელი მოვაწერეთ, ითვალისწინებს, ერთი – გირაოს გადახდის უზრუნველყოფას ევროკავშირის მხრიდან”,- ამის შესახებ პარტია “ქართული ოცნების” თავმჯდომარემ ირაკლი კობახიძემ განაცხადა.
“წესით ნიკა მელია უნდა გამოვიდეს ამ გირაოს საფუძველზე, თუმცა ვიცით მისი პოზიცია და ეს ბავშვური თამაშები. მეორე ეს არის, ამნისტიის შესახებ კანონი, რომელიც უნდა მიიღოს პარლამენტმა. მიუხედავად დანაშაულის სიმძიმისა, ჩვენ გამოვთქვით ჩვენი პოზიცია ამასთან დაკავშირებით. ეს კანონი იქნება მიღებული იმ დოკუმენტის შესაბამისად, რომელსაც ხელი მოვაწერეთ. ევროპარლამენტარებისთვის მთავარია, რომ ეს ხელოვნური კრიზისი დასრულდეს“, – განაცხადა ირაკლი კობახიძემ.
