„ყველა სფეროში გვიწევს „ნაციონალური მოძრაობის“ მიერ გაფუჭებულის გამოსწორება“,- ამის შესახებ „ქართული ოცნების“ აღმასრულებელმა მდივანმა, ირაკლი კობახიძემ განაცხადა.
მისი თქმით, ეს თითქმის ყველა სფეროს ეხება, მათ შორის საზღვარსაც.
„ყველა სფეროში ასეა, სიღარიბე იქნება, ეკონომიკა, საზღვრების გავლება თუ ოკუპაცია, ყველა სფეროში გვიწევს „ნაციონალური მოძრაობის“ მიერ გაფუჭებულის გამოსწორება. სამხრეთ ოსეთის საზღვრები გაავლეს და დღეს გვაქვს შედეგად მიღებული ოკუპაცია და ბორდერიზაცია. მათ გაფუჭებულს ვასწორებთ.
რა თქმა უნდა, ეს ჩვენთვის მძიმე ტვირთია, თუმცა, სახელმწიფოებრივი მიდგომა გულისხმობს იმას, რომ, მათ შორის, წინა ხელისუფლების გაფუჭებულიც უნდა გამოასწორო“, – განაცხადა კობახიძემ.
