რატომ არ შეიძლება საქართველოში იყოს ეროვნული ერთიანობის მთავრობა? – ამ ინიციატივით ევროპარლამენტარი ანდრიუს კუბილიუსი „ფორმულას“ ეთერში გამოდის და აცხადებს, რომ პანდემიის, ეკონომიკური კრიზისის, სამხრეთ კავკასიაში არსებული კონფლიქტის გათვალსიწინებით, საქართველოს მთავარი გამოწვევა ლეგიტიმური პარლამენტი, ერთიანი პოლიტიკური პარტიები და ერთიანი ეროვნული მთავრობის ჩამოყალიბებაა.
“ოპოზიციური არასამთავრობო ორგანიზაციები აცხადებენ, რომ მათ შეფასებებს თუ საჩვრებს პასუხისმგებელი ორგანო სერიოზულად არ ეკიდება და არ განიხილავს. მნიშვნელოვანია, ეუთო/ოდირმა თავის ანგარიშში ასახოს და ნათელი მოფინოს პირველი ტურის დარღვევებს და თუ საჭირო გახდა, მეორე ტურის შემთხვევაშიც ასე მოიქცეს.
ეუთო/ოდირმა ყურადღებით უნდა გააანალიზოს საჩივრები ოპოზიციისგანაც და არასამთავრობო სექტორისგანაც.
ნებისმიერ შემთხვევაში, ეს ყველაფერი ქართველი პოლიტიკოსების გადასაწყვეტია, რადგან ისინი ქართველი ერის წინაშე პასუხს აგებენ. ეს ყველაფერი ძალიან რთულ დროში ხდება, ლიეტვუაშიც და საქართველოში პანდემიის ტემპები სწრაფად იზრდება, ასევე ეკონომიკური პრობელმაა და საქართველოსთვის ახალი გამოწვევაა რეგიონში არსებული კონფლიქტი აზერბაიჯანსა და სომხეთს შორის.
რა სჭირდება საქართველოს? ესაა ლეგიტიმური პარლამენტი, ერთიანობა პოლიტიკურ პარტიებს შორის და შემდეგი შესაძლებლობის განხილვა: რატომ არ შეიძლება საქართველოში იყოს ეროვნული ერთიანობის მთავრობა?” – განაცხადა ანდრიუს კუბილიუსმა.
მან ასევე, ისაუბრა ოპოზიციის მიერ ორგანიზებული საპროტესტო აქციების შესახებ და ხელისუფლებასა და პოლიციას თავშეკავებისკენ მოუწოდა.
“ხელისუფლებას მოვუწოდებ, არ გამოიყენონ პოლიციური ძალები ადამიანების რადიკალიზაციის თავიდან ასაცილებლად და იმ ადამიანების მისამართით, ვინც ქუჩებში პროტესტს გამოხატავენ.
მესმის, რომ პოლიციამ უნდა იზრუნოს წესრიგის დაცვაზე და არ უნდა მისცეს უფლება ხალხმა საზოგადოებრივი საკუთრება დააზიანოს, მაგრამ ისტორიიდან ვიცით, რომ ზოგჯერ პოლიცია უშვებს შეცდომებს და ცდილობს ხალხს ძალა დაანახოს, რომელმაც შესაძლოა, პროცესების რადიკალიზაცია გამოიწვიოს.” – აცხადებს ევროპარლამენტარი.
მოვუწოდებთ ყველა მხარეს, დიალოგის გზით იარონ და ეს გამოწვევა დაძლიონ – ევროპარლამენტარი
ქვეყნისთვის ტრაგედია არ იქნება, რომ ხელახალი არჩევნები ჩატარდეს – ევროპარლამენტარი
