ჟურნალისტი ვახო სანაია პარტია „მოქალაქეესბი“ ლიდერის, ალეკო ელისაშვილის წინასაარჩევნო კამპანიას ეხმაურება.
როგორც ვახო სანაია ამბობს, „ქალაქს მიხედეთ“ – მთლიანად ოცნების საარჩევნო გზავნილია.
„იქცევა ქვეყანა და ელისაშვილი გაიძახის, ქალაქს მივხედოთო. თან უძლიერესი ბილბორდები აქვს – დაიკიდეთ კონსტიტუცია, სასამართლო, მედია, საგარეო ურთიერთობები, ვადამდელი არჩევნები, შარლ მიშელი და „გაწიკწინებული საარჩევნო კოდექსი“. მაგას ჯობია, ამ ქუჩას მიხედეთ, იმ ქუჩას მიხედეთო. რა დროს ვადამდელი არჩევნებია, ძლივს მოვხვდი პარლამენტშიო.
ნწ, ნწ, ნწ – საერთოდ ვერ მივხვდით ჩანაფიქრს. „ქალაქს მიხედეთ“ – მთლიანად ოცნების საარჩევნო გზავნილია. არ არის ეს არჩევნები პოლიტიკური, უბრალოდ ქუჩებისა და სკვერების არჩევნებიაო. მაგ ნაწილში კი წინასაარჩევნოდ ოცნება დახარჯავს ისევ ჩვენს ფულს, დააგებს სადმე ასფალტს, ოპოზიცია კი უფულოდაა. მერე გამოვა ელისაშვილი და იტყვის, რაღაცას მაინც ხომ აკეთებს ოცნებაო. რა ვერ იტყვის ? აკი კობახიძე ორიაო და შალვა ამწე პაპუაშვილი სასწაული რეფორმატორიო. უსინდისო კაცი ვიყოო, ძალიან ,,გულწრფელად” შესძახებს. ,,მელკი ჟულიკობა” რა საცოდავი სანახავია. თან რომ ჰგონია, გვატყუებს მისი ჭკუით”,- ამბობს ვახო სანაია.
