ჩვენთვის არის გამოსავალი საარჩევნო სისტემისა და მართლმსაჯულების რეფორმა. რა უფრო მნიშვნელოვანია? რაღაცა ერთჯერადი არჩევნები თუ ის, რომ პროკურატურა და სასამართლო ნორმალური იყოს, – ამის შესახებ „მოქალაქეების“ ლიდერმა, ალეკო ელისაშვილმა განაცხადა.
მისივე თქმით, „ქართული ოცნება“ 40%-ზე იყო თანახმა. თუ ოცნება 40%-ზე ნაკლებს აიღებდა, მაშინ 2022 წელს დაინიშნებოდა რიგგარეშე საპარლამენტო არჩევნები, ყოველგვარი პლებისციტის გარეშე.
„ეს საკითხი საერთოდ ვერ წვდება პოლიტიკური მართლმსაჯულების საკითხს. რა უფრო მნიშვნელოვანია? რაღაცა ერთჯერადი არჩევნები თუ ის, რომ პროკურატურა და სასამართლო ნორმალური იყოს. საერთოდ როგორ უნდა დავსვათ ეს…
ჩვენთვის არის გამოსავალი საარჩევნო სისტემისა და მართლმსაჯულების რეფორმა. მინდა, ვთქვა, ჩაიშალა, ვხედავთ, ოპოზიცია არ შემოდის პარლამენტში. კი ბატონო, ორნი ვართ, მაგრამ ხედავთ, რომ საარჩევნო რეფორმაზე ვმუშაობთ და დარწმუნებული ვარ, გავალთ ბოლოში და ქვეყანა მიიღებს კარგ საარჩევნო სისტემას. მაგრამ თავს არ დავზოგავთ იმისთვის, რომ მხოლოდ იმ მოლაპარაკების მაგიდაზე კი არ ყოფილიყო პოლიტიკური მართლმსაჯულების საკითხი, არამედ ყველაფერს გავაკეთებთ, ჩვენს მეგობარ ელჩებთან თუ ევროკავშირის წარმომადგენლებთან ერთად, რომ მართლმსაჯულების რეფორმის საკითხი ამ დარბაზში უახლოეს მომავალში დადგეს, პროკურატურის და სასამართლოსი,“- განაცხადა ელისაშვილი.
ცნობისთვის, გუშინ „ქართული ოცნებისა“ და ოპოზიციის 9-საათიანი შეხვედრა ძირითად საკითხებზე შეთანხმების გარეშე დასრულდა.
