სრულიად საქართველოს მუსლიმთა სამმართველოს შეიხის, რამინ იგიდოვის განცხადებით, დმანისში მომხდარი პროცესები შეჩერდა, თუმცა რეგიონი მსგავსი ინციდენტისგან არც მომავალშია დაზღვეული.
“ჩვენ შევძელით და შევაჩერეთ პროცესები, მაგრამ მომავალში ჩვენ არ ვართ დაზღვეული არაფრისგან. მსგავსი ინციდენტები რომ არ მოხდეს და გულწრფელად მშვიდობიანმა თანაცხოვრებამ დაისადგუროს, აუცილებელია პროექტების განხორციელება. ერთობლივი სადღესასწაულო ღონისძიებების ჩატარება და ყოფითი საკითხების ერთად განხილვა, რაც შედეგად სრულად აღმოფხვრის დაპირისპირებას,“ – აცხადებს სრულიად საქართველოს მუსლიმთა სამმართველოს შეიხი რამინ იგიდოვი.
რამინ იგიდოვის თქმით, ის მზადაა საპატრიარქოსთან ერთად მხარეებს შორის მოლაპარაკების პროცესში ჩაერთოს.
“ჩვენ დარწმუნებული ვართ, რომ შეთანხება იქნა მიღწეული და იმედს ვიტოვებთ, რომ მოხდება ამ შეთანხმების დაცვა. აუცილებელია შემდგომში მოსახლეობასთან ჩართულობა. ჩვენ მზად ვართ, რომ საპატრიარქოსთან ერთად, ყველა მხარეს ველაპარაკოთ. ერთად ორივე მხარეს ველაპარაკოთ, ჩართულობა გავზარდოთ, რათა აღარ განმეორდეს მსგავსი ინციდენტები,“ – აცხადებს ეთიმარ რემინოვი.
დმანისში დაპირისპირება გარე ძალებისგან იყო წახალისებული – ანდრია ჯაღმაიძე
