პარლამენტში ბენზინს რაში ხარჯავენ, ხომ არ ტაქსაობენ, ეს გვაქვს გასარკვევი, – ამის შესახებ „მოქალაქეების“ ლიდერმა ალეკო ელისაშვილმა „პალიტრანიუსის“ ეთერში განაცხადა.
მისივე თქმით, ის და ლევან იოსელიანი დეპუტატის პრივილეგიით არ სარგებლობენ.
„ლევან იოსელიანი პარლამენტის თავმჯდომარის მოადგილეა, მაგრამ ნახეთ, რომელი პრივილეგიით სარგებლობს. მანქანა უნდა მომსახურებოდა – უარი ვთქვით; სურვილის შემთხვევაში დაცვა უნდა ჰყოლოდა – უარი ვთქვით; 700 ლიტრი ბენზინი უნდა გვქონოდა თვიდან თვემდე – უარი ვთქვით. ეს კატასტროფულად ბევრია, რაში ხარჯავენ, ხომ არ ტაქსაობენ, ეს გვაქვს გასარკვევი. არანაირი პროივილეგიით არ ვსარგებლობთ. ჩემთვის, ჩვენი პარტიისთვის თანამდებობა იზომება პასუხისმგებლობით. მე პირადად ერთი ციდა ოთახი მაქვს. ერთი კომპიუტერი მიდგას და ვმუშაობ“,- განაცხადა ელისაშვილმა.
