ანალიტიკოსი ამირან სალუქვაძე ბუკნარში განვითარებულ მოვლენებს სოციალურ ქსელში ეხმაურება.
„მთელი საზოგადოების გასაგონად, მოგმართავთ მედიას და პოლიტიკოსებს!
რაც გურიაში ხდება, ამას პოლიტიკური სუნი კი არ ასდის, მთლიანადაა პოლიტიკურად მოტივირებული და გაჟღენთილი.
ვინც ამ პროცესს აქეზებთ, მთლად ნუ ჩაეფლობით წუმპეში, ნუ შეეცდებით ქვეყნაში საშიში პროცესების ინიცირებას, რისი საფუძველიც არ არსებობობს.
ყველა პოლიტიკოსმა დააფიქსირეთ პოზიცია, გამოიყენეთ საკუთარი ავტორიტეტი, ამომრჩევლები.
მედიას მოვუწოდებ ფრთხილად გააშუქოს, ან თუ არ იციან ფრთხილად როგორ შუქდება, საერთოდ არ გააშუქონ ეს მოვლენები, რომლებიც ჯერ პროცესებში არ გადაზრდილა.
სოციალურ ქსელში გავრცელდა აქციების აქტივისტების საუბარი მიხეილ სააკაშვილთან, რომელსაც აღუქვეს, რომ “ხვალიდან მიხედავდნენ” ცვლილებების დაწყებას.
ვინაა ერთ-ერთი აქტივისტი ფირუზ წულუკიძე? ის ფიგურირებდა 2013 წელს ბათუმში პოლიციელებზე განხორციელებულ თავდასხმაში. ერთ-ერთ მონაწილეს, ვინმე ლაკაევს (ლაკაევის ვინაობა “დაგუგლეთ“) 12 წლით თავისუფლების აღკვეთა მიესაჯა. წულუკიძე გასამართლდა 2 წლით, თურქეთის საზღვარზე მიგრანტის უკანონოდ გადაყვანის მცდელობის, ასევე პოლიციაზე ძალადობის ბრალდებით. აღნიშნული დანაშაულის დროს დაიჭრა პოლიციელი, ამოღებული იქნა ცეცხლსასღოლი იარაღი, საბრძოლო მასალები. ეს ცნობისთვის.
მოგიწოდებთ მათ, ვინც ჩართული ხართ ამ აქციებში, უნებლიეთ არ აღმოჩნდეთ თქვენთვის არასასურველი თამაშის მონაწილე.
ხელისუფლებას მოვუწოდებ, მიიღეთ ქმედითი ზომები, დროულად ჩააყენეთ საქმის კურსში ჩვენი პარტნიორები, აღკვეთეთ რელიგიური განწყობებით მანიპულირება პოლიტიკური ძალების მხრიდან.
საზოგადოებას, მის აქტიურ ნაწილს, კიდევ ერთხელ მოვუწოდებ გამოფხიზლებისკენ. პოლიტიკურ პროცესებში უნდა ჩაერთონ ჯანსაღი ძალები,“- წერს ამირან სალუქვაძე.
ჩოხატაურის მერიის წინ შეკრებილ მოსახლეობასთან, რამდენიმე წუთის წინ ყურანი და ბიბლია მიიტანეს.
მისი თქმით, არავის აქვს უფლება ჩრდილი მიაყენოს ჩვენს ისტორიულ მონაპოვარს, შემწყნარებლობასა და ტოლერანტობას.
განცხადება გაავრცელაშემოქმედის მიტროპოლიტმა იოსებმა.
შეგახსენებთ, რელიგიურ ნიადაგზე კონფლიქტი ჩოხატაურის მუნიციპალიტეტში, სოფელ ბუკნარში 12 იანვარს დაიწყო. ადგილობრივი მუსლიმი თემი, სოფელში მეჩეთის მოწყობას და ლოცვის უფლებას ითხოვს, რასაც ადგილობრივი მაღთლმადიდებელი მოსახლეობა ეწინააღმდეგება.
გუშინ, 13 იანვარს, გვიან ღამით შედგა შეხვედრა ორივე მხარის წარმომადგენლებსა და ადგილობრივ ხელისუფლებას შორის, თითქოს კონფლიქტი უნდა ამოწურულიყო, თუმცა დღეს დილისდან აქცია ისევ განახლდა.
