“გამოვრიცხავ, რომ უმრავლესობაში მთავრობის შემადგენლობაზე შეჯერება და ნდობის გამოცხადება ვერ მოხერხდეს, უმრავლესობა ერთიანი და მყარი გუნდია”,- ეს განცხადება ჟურნალისტებთან საუბრისას დეპუტატმა გიორგი კახიანმა გააკეთა.
“პრემიერ-მინისტრის გადადგომის უსიამოვნო ფაქტის მიუხედავად, რიგგარეშე საპარლამენტო არჩევნებს გამოვრიცხავ, საპარლამენტო უმრავლესობის შიგნით არის ძალიან მყარი ერთიანობა. არც მომავალ პრემიერ-მინისტრობის კანდიდატზე და არც მთავრობის შემადგენლობაზე შეჯერება არ გაგვიჭირდება”, – განაცხადა გიორგი კახიანმა.
