მეზობელ ქვეყნებთან, უპირველეს ყოვლისა რუსეთთან სრულფასოვანი ურთიერთობის აღდგენა, საქართველოს მისცემს შესაძლებლობას კრიზისის გადალახოს, – ამის შესახებ რუსეთის დუმის კომუნისტმა დეპუტატმა სერგეი გავრილოვმა განაცხადა.
გავრილოვის ამ განცხადებას „რია ნოვოსტი“ ციტირებს და წერს, რომ საქართველოს და რუსეთის სრულფასოვანი ურთიერთობის აღდგენა, საქართველოს გამოიყვანს კრიზისიდან და დაეხმარება სოციალური პრობლემების გადალახვაში.
„დროა გავიდეთ გზაზე, სადაც დაიწყება სრულფასოვანი ურთიერთობის აღდგენა მეზობელ ქვეყნებთან, უპირველეს ყოვლისა რუსეთთან. ეს თანამშრომლობა ხელს შეუწყობს, კრიზისისა და სოციალური პრობლემების გადალახვაში, ასევე, დამოუკიდებელი საქართველოს შექმნაში. ვიმედოვნებ, რომ, როგორც რუსეთი, ასევე საქართველო დაინტერესდება ამით.
საქართველოში კიდევ ერთი გადატრიალების მცდელობა კრახით დასრულდა. იმიტომ კი არა, რომ ხელისუფლებამ პრევენციული ზომები მიიღო, არამედ რიგითმა ადამიანებმა უარი განაცხადეს იმაზე, რომ დაეხმარონ მათ, ვისაც საქართველოსთვის ზიანის მიყენება სურს“, – ამბობს გავრილოვი
