მობრძანდით და რასაც სამი თვე აცხადებთ, ერთი რამე მაინც დაადასტურეთ, – ამის შესახებ უმრავლესობის დეპუტატმა, ბექა დავითულიანმა 2020 წლის 31 ოქტომბრის არჩევნებთან დაკავშირებით დროებითი საგამოძიებო კომისიის შექმნის საკითხზე საუბრისას განაცხადა.
„ოპოზიციას სთავაზობენ, რომ ბატონებო, ხომ აცხადებთ, რომ არჩევნები გაყალბდა, მობრძანდით, ნუ დატოვებთ კომისიას თუნდაც მხოლოდ ჩვენს ხელში. მობრძანდით და რასაც სამი თვე აცხადებთ, ერთი რამე მაინც დაადასტურეთ. ისინი ამაზე უარს ამბობენ უმარტივესი მიზეზით – ზუსტად იციან, რომ არ გაყალბებულა და ვერფერს ვერ დაადასტურებენ, სხვა მიზეზი მათ არ გააჩნიათ“, – განაცხადა ბექა დავითულიანმა.
„ქართული ოცნება“ 2020 წლის არჩევნებთან დაკავშირებით საგამოძიებო კომისიას ქმნის
