სხვადასხვა უწყებასთან ერთად მუდმივად მოწმდება სხვადასხვა ობიექტები, – ამის შესახებ ინსპექტირების დეპარტამენტის უფროსმა, ბექა ფერაძემ განაცხადა.
„რაც შეეხება სამარშრუტო ტაქსებს, მიკროავტობუსებს, ბოლო პერიოდის განმავლობაში ჩვენ უკვე საკმაოდ აქტიურად ვახდენთ ზედამხედველობას და არ ხდება ავტობუსის დაძვრა ვიდრე, არ გაიკეთებს კონკრეტული მგზავრი პირბადეს, ხდება ასეთი მგზავრის ჩამოსმა ავტობუსიდან ან შესაბამისი სანქცირების გატარება. სხვა შემთხვევაში, ჩვენ არაერთგზის მოვუწოდებთ სხვადასხვა კომპანიას, დამსაქმებლებს და დასაქმებულებს, რომ ეს არის მათივე უსაფრთხოებისთვის, ასევე, ზოგადად ჩვენი თითოეული მოქალაქის უსაფრთხოებისთვის აუცილებელი. სადაც კრიტიკული დარღვევები გვხვდება, სამწუხაროდ, ასეთი შემთხვევებიც არის და ასეთი იყო მიმდინარე თვის განმავლობაში ათამდე ობიექტი, სადაც ასევე გამოვიყენეთ ჩვენ სანქცირების მექანიზმი და ეს არის 2 000 ლარი ფიზიკური პირის მიმართ, იურიდიული პირის მიმართ კი 10 000 ლარი“, – განაცხადა ბექა ფერაძემ.
