„სამართლიანი არჩევნების“ ხელმძღვანელი ორი კვირის მანძილზე PVT-ის სიყალბეს საგულდაგულოდ მალავდა,- ამის შესახებ “ქართული ოცნების” ლიდერმა, ირაკლი კობახიძემ ბრიფინგზე განაცხადა.
მისივე თქმით, PVT-ზე დაყრდნობით ოპოზიცია ვითარების კრიზისში შეყვანას ცდილობდა.
“როგორც მოგეხსენებათ, რამდენიმე დღის წინ არასამთავრობო ორგანიზაცია „სამართლიანმა არჩევნებმა“ გაავრცელა სკანდალური განცხადება და აღიარა უხეში ხარვეზი ხმის პარალელურ დათვლაში, ე.წ. PVT-ში. გუშინ ამ განცხადებას დაემატა ორგანიზაციის ხელმძღვანელის კიდევ უფრო სკანდალური განცხადება იმის შესახებ, რომ მან უხეში ხარვეზის შესახებ ჯერ კიდევ ნოემბრის ბოლოს ყველაფერი იცოდა. მიუხედავად იმისა, რომ PVT-ზე დაყრდნობით რადიკალური ოპოზიცია მთელი ამ დროის მანძილზე ვითარების კრიზისში შეყვანას ყოველდღიურად ცდილობდა, „სამართლიანი არჩევნების“ ხელმძღვანელი მომდევნო ორი კვირის მანძილზე PVT-ის სიყალბეს საგულდაგულოდ მალავდა, რაც, დამეთანხმებით, უკიდურესად შემაშფოთებელი ფაქტია”, – განაცხადა კობახიძემ.
ISFED-ი პარალელური დათვლის დაზუსტებულ შედეგებს აქვეყნებს – ის პირველად შედეგში ხარვეზს აღიარებს
