იმედი მაქვს ადამიანები, რომლებსაც ქვეყნისთვის სიკეთე უნდათ და ამის ვალდებულებას გრძნობენ, გამოსავალს გამოძებნიან, შეათანხმებენ პოზიციებს და წარმატებას მიაღწევენ, – ამის შესახებ საქართველოში საფრანგეთის ელჩმა დიეგო კალასმა ჟურნალისტებთან საუბარში განაცხადა.
„ახლა მიმდინარეობს შუამავლობის პროცესი. კარგია, რომ პოლიტიკურმა პარტიებმა შეძლეს დასხდომა და წინადადებების შემოთავაზება, ჩნდება განცდა, რომ თითოეული პარტია თავის პოზიციას გადახედავს. მათ უნდა იმუშაონ კომპრომისის მისაღწევად.
იმედი მაქვს ადამიანები, რომლებსაც ქვეყნისთვის სიკეთე უნდათ და ამის ვალდებულებას გრძნობენ, გამოსავალს გამოძებნიან, შეათანხმებენ პოზიციებს და წარმატებას მიაღწევენ. ეს მნიშვნელოვანია. დღეს საქართველო ბევრი გამოწვევის წინაშე დგას და საქართველოს ნამდვილად სჭირდება გააერთიანოს მთელი ენერგია ამ გამოწვევების გასამკლავებლად. ჩვენ მზად ვართ, ამაში ქვეყანას მხარი დავუჭიროთ. ძალიან მნიშვნელოვანია ის, რომ ყველამ გააერთიანოს ძალები“, – განაცხადა დიეგო კალასმა.
