საქართველოს მორაგბეთა ეროვნული ნაკრები უელსთან 0:18 დამარცხდა.
8 ერის „შემოდგომის თასის“ ტურნირის შეხვედრა პაკ სქარლეთის მოედანზე გაიმართა.
პირველ ტაიმში მეტოქეებმა 10-ქულიანი უპირატესობით მოიგეს. ტაიმის ბოლოს ქართველებს სხვაობის შემცირება შეეძლოთ, მაგრამ თედო აბჟანდაძემ ჯარიმა ზუსტად ვერ დაარტყა.
მეორე ნახევრის პირველ წუთებში შიდიმ კიდევ ერთი საჯარიმო გაიტანა და საკუთარ გუნდს 13 ქულიანი უპირატესობა მოუტანა. ამის შემდეგ „ბორჯღალოსნები“ გააქტიურდნენ და რამდენჯერმე მეტოქის დაცვის ხაზს სახიფათოდაც შეუტიეს, მაგრამ 75-ე წუთზე უელსის შეტევა რის ვების ლელოთი დასრულდა და საბოლოო ანგარიში 18:0 დაფიქსირდა.
