„ლეიბორისტული პარტიის“ ლიდერი, შალვა ნათელაშვილი აშშ-ის სახელმწიფო დეპარტამენტის განცხადებას ეხმაურება. როგროც შალვა ნათელაშვილი ამბობს, პარლამეტნში შესვლა არ იქნება და ჩატარდება ახალი არჩევნები.
მისივე თქმით, საქართველოს ბედს და მომავალს მოქალაქეები წყვეტენ.
„ერთი რამ დავიმახსოვროთ, მეგობრებო, საქართველოს ბედს და მომავალს ვწყვეტთ ჩვენ. სტრატეგიული მოკავშირეები გვეხმარებიან მაქსიმალურად შესაძლებლობის ფარგლებში. ისინი ვერ ჩაერევიან ჩვენი ქვეყნის საშინაო საქმეებში და არც არავის გვსურს ეს. არც იმათ, არც ჩვენ. ამიტომ, მე მადლობას ვუცხადებ სახელმწიფო მდივნის მოადგილეს, რომელიც დარჩა თბილისში, რომ ოპოზიციისგან მოესმინა უშუალოდ ინფორმაცია, თუმცა მაიკ პომპეოს და ამერიკის შეერთებული შტატების მთავრობას სრული ინფორმაცია აქვთ, რა ხდება საქართველოში, როგორ გააყალბა რუსმა ოლიგარქმა არჩევნები, როგორ ცდილობს, მოახდინოს ძალაუფლების უზურპაცია, გაამრუდოს ჩვენი ქვეყნის ბედი, რასაც არ დავუშვებთ“,- განაცხადა ნათელაშვილმა.
ცნობისთვის, აშშ-ის სახელმწიფო დეპარტამენტი პარტიებს პარლამეტნში შესვლისკენ მოუწოდებს.
