საქართველოს დღეს პოლონეთის რესპუბლიკის პრეზიდენტი ანდჟეი დუდა ორდღიანი ვიზიტით ეწვევა.
ანდჟეი დუდა დამოუკიდებლობის დღესთან დაკავშირებულ ღონისძიებაზე სიტყვით გამოვა. ამასთან, ამ დღისადმი მიძღვნილ გალა-კონცერტსაც დაესწრება.
27 მაისს პოლონეთის რესპუბლიკის პრეზიდენტი საქართველოს პრეზიდენტს, სალომე ზურაბიშვილის შეხვდება. ასევე, ანდჟეი დუდა ორბელიანების სასახლეში საქართველოს პრეზიდენტის პატრონაჟით მიმდინარე კრუკოვსკის სახელობის ქართულ-პოლონური ინტერდისციპლინარული კვლევითი ცენტრის, ქუთაისის არქეოლოგიურ აღმოჩენებს გაეცნობა. მოგვიანებით კი პოლონეთის რესპუბლიკის პრეზიდენტის ანდჟეი დუდასა და საქართველოს პრეზიდენტის სალომე ზურაბიშვილის ერთობლივი განცხადებები გაკეთდება.
ამასთან, 27 მაისს პოლონეთის რესპუბლიკის პრეზიდენტი პრემიერ-მინისტრს ირაკლი ღარიბაშვილს და საქართველოს პარლამენტის თავმჯდომარეს კახა კუჭავას შეხვდება.
