დღეს, 31 ოქტომბერს საქართველოში საპარლამენტო არჩევნები დასრულდა. ამომრჩეველთა ერთიან სიაში სულ 3 205 634 ამომრჩეველია რეგისტრირებული. ქვეყნის მასშტაბით გახსნილი იყო 3 657 საარჩევნო უბანი.

იმ ამომრჩევლებისთვის, რომლებიც იმყოფებიან სამკურნალო დაწესებულებებში, კარანტინსა და თვითიზოლაციაში, ცალკე დამატებით შეიქმნა 127 სპეციალური საარჩევნო უბანი.

არჩევნებში 48 პოლიტიკური პარტია და ორი საარჩევნო ბლოკი მონაწილეობდა.

ზუსტად 20:00 საათზე შეწყდა ხმის მიცემის პროცედურა და კომისიებმა დაიწყეს ხმის დათვლის პროცესი, რომლის შედეგების დათვლის შემდეგ, ცნობილი გახდება მომავალი, მე-10 მოწვევის პარლამენტის შემადგენლობა.

ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე