ქართული ოცნების დეპუტატის, სოზარ სუბარის განცხადებით, ოპოზიციის მიერ რუსთაველის გამზირზე გამართული აქცია “სასოწარკვეთილი ნაბიჯია”.
სუბარი ოპოზიციას პარლამენტში შესვლისკენ და საქმის კეთებისკენ მოუწოდებს.
“დღევანდელი აქცია, დღევანდელი ოპოზიციის ქმედებები, იყო სასოწარკვეთილი ოპოზიციის სასოწარკვეთილი ნაბიჯი. რამ განაპირობა ეს სასოწარკვეთილება, ეს შეიძლება არანაკლებ მნიშვნელოვანი იყოს. ეს არის აბსოლუტურად დაუსაბუთებელი, მათ რეალურ შესაძლებლობებთან შეუსაბამო ამბიცია. ანუ, ამპარტავნება, რომელიც წარმოშობს სასოწარკვეთილებას, რაც ადამიანისთვის დამღუპველია. სასოწარკვეთილებაა ის, რასაც აკეთებენ. მართლა ვერ ვხვდები, რატომ იგდებენ თავს ამ სასოწარკვეთილებაში, რომ არა ეს ფუყე და ფუჭი ამბიცია. მათ მიიღეს ძალიან დიდი მანდატი და შეუძლიათ ქვეყნის სასიკეთო საქმე აკეთონ იქ, სადაც მათ ხალხმა მანდატი მისცა”, – განაცხადა სუბარმა პალიტრანიუსის გადაცემაში 360 გრადუსი.
