„ნაციონალური მოძრაობის” ერთ-ერთი ლიდერი ხატია დეკანოიძე სოციალურ ქსელში ქვეყანაში არსებულ ეკონომიკურ მდგომარეობასთან დაკავშირებით, პოსტს აქვეყნებს. დეკანოიძე წერს, რომ ქვეყნის ეკონომიკას 2020 წლის მსგავსი ვარდნა, 1994 წლის შემდეგ არ ჰქონია.
„2009 წელს საქართველოს ეკონომიკა აგვისტოს ომისა და მსოფლიოს ეკონომიკური კრიზისის დროს 3,69% შემცირდა.
2020-ში ეკონომიკის კლებამ 6,1% შეადგინა, რაც ყველაზე ცუდი მონაცემია 1994 წლის შემდეგ.
ამ დროს, შარშან მთავრობა გვპირდებოდა 4% -იან ზრდას.
სასწრაფო ვაქცინიზაციისა და ქვეყნის გახსნის გარეშე, კრიზისის მწვერვალი გარდაუვალია. ანუ სიღარიბე, რომელსაც ვერ დავძლევთ კიდევ მრავალი წელი..”,- წერს დეკანოიძე და ტექსტს შემდეგი სახის სურათს ურთავს.
