დღეს პარტია “ლელომ” იურიდიულ საკითხთა კომიტეტში საარჩევნო კოდექსის ცვლილების პროექტს მხარი არ დაუჭირა.
აღნიშნულ ფაქტს სოციალურ ქსელში შალვა პაპუაშვილი ეხმაურება და „ლელოს” 19 აპრილის შეთანხმების დარღვევაში ადანაშაულებს.
„ბადრი ჯაფარიძე: “ჩვენი სურვილი იქნებოდა, თუმცა, ეს შარლ მიშელის დოკუმენტში არ არის, რომ იმ ადამიანებს, რომლებიც ახლა არიან ცესკო-ში, მათ შორის თავმჯდომარეს, იგივე პროცესი გაევლო, როგორიც არის გაწერილი შარლ მიშელის დოკუმენტით ახალი წევრების არჩევისთვის”.
ამ განცხადებას ვადა ზუსტად ორ დღეში გაუვიდა. ზუსტად საპირისპიროს მტკიცებით – თითქოსს 19 აპრილის შეთანხმება ცესკოს არსებული წევრების გადანიშვნას ითვალისწინებს – “ლელომ” დღეს იურიდიულ საკითხთა კომიტეტში მხარი არ დაუჭირა საარჩევნო კოდექსის ცვლილების პროექტს და ამით დაარღვია 19 აპრილის შეთანხმება.
25 მაისს პლენარული სხდომაა, სადაც პირველი მოსმენით უნდა მივიღოთ ეს პროექტი. იმედია, “ლელო”, პლენარულს სხდომაზე მაინც, პატივს სცემს თავის სიტყვას და თავის ხელმოწერას.”, – წერს შალვა პაპუაშვილი.
