„შეხედეთ, იაგო ხვიჩიას, ვახო მეგრელიშვილს და დარწმუნდებით, რომ ნაკლები უნდა მოწიოთ. მოწევა, მათ შორის მარიხუანის, არის ჯანმრთელობისთვის თუ არა, აზროვნებისთვის ნამდვილად მავნებელია”, – ამის შესახებ “თავისუფალი საქართველოს” ლიდერმა, კახა კუკავამ განაცხადა.
კუკავას თქმით, “გირჩის” ლიდერები ოპოზიციის შეკრებაზე პროვოკაციის მოწყობის მიზნით მივიდნენ.
„შემოვიდნენ დღეს სხდომაზე კონკრეტული ამოცანით, თუ არა დავალებით, უნდა მოეწყოთ აქ სკანდალი, რომ შემდეგ სამთავრობო ტელევიზიებს გქონოდათ მასალა, რომ ოპოზიციის შეკრებაზე იყო გაწევ-გამოწევა და ხმაური. ზრდილობიანად ვთხოვეთ, დაეტოვებინათ ეს სხდომა, რაზეც ატეხეს პროვოკაცია, რომ არ გინდათ ჩვენი მოსმენა. ვკითხე, რომ გამოდიხართ ტელევიზიით და იძახით, მიშას თამაშს ვთამაშობთ, აქ რაღაზე მოდიხართ-მეთქი და ჩავარდა ამაზე ექსტაზში, რომ ესე იგი მიშას თამაშს თამაშობთო და გავიდა სხდომიდან. არის არასერიოზული ხალხი. ეს არის მორიგი სერია. ასეთი რაღაცა ყურადღების მიქცევის იაფფასიანი მცდელობებია. ჯერ მელიას დააბრალეს რომ პისტოლეტით ემუქრებოდა, ხვალ რაღაცა უაზრობას იტყვიან, ზეგ კიდევ ატოცში ჩაუხდიან, რათა მიიქციონ ტელევიზიების ყურადღება მიიქციონ“, – განაცხადა კახა კუკავამ.
