შესაძლოა, მექანიკურად მოხდა, რომ დიმიტრი შაშკინს ტანსაცმლის ქვემოდან გამოუჩნდა იარაღი, თორემ არ მგონია ან მას, ან კახა ოქრიაშვილს იარაღის ტარების დემონსტრირების აუცილებლობა ჰქონდეთ, – ასე გამოეხმაურა „ნაციონალური მოძრაობის“ წევრი, ზაალ უდუმაშვილი დიმიტრი შაშკინის მიერ დღეს იარაღის ტარების ფაქტს.
„დიმიტრი შაშკინი საქართველოს თავდაცვის ყოფილი მინისტრია, მას აქვს იარაღის ტარების უფლება და რამდენადაც მაქვს ინფორმაცია, ის რეგულარულად ატარებს. ეს არ ნიშნავს, რომ ის საარჩევნო უბანზე შედის იარაღით. არ მაქვს ინფორმაცია კახა ოქრიაშვილის შესახებ, თუ მას აქვს იარაღის ტარების უფლება, მას ვერავინ შეუზღუდავს ამ უფლებას. ბუნებრივია, დემონსტრირება არ უნდა ხდებოდეს. შესაძლოა, მექანიკურად მოხდა, რომ ტანსაცმლის ქვემოდან გამოჩნდა იარაღი, თორემ არ მგონია, ან ერთს, ან მეორეს იარაღის ტარების დემონსტრირების აუცილებლობა ჰქონდეთ“, – განაცხადა უდუმაშვილმა.
ინფორმაციისთვის, „იმედინიუსმა“ გაავრცელა ფოტო, რომელზეც, „ნაციონალური მოძრაობის“ ერთ-ერთი ლიდერი, დიმიტრი შაშკინია გადაღებული.
იხილეთ ვიდეო: დიმიტრი შაშკინის პირველი კომენტარი იარაღთან დაკავშირებით – მაქვს უფლება ვატარო იარაღი
ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე
