“ის, რასაც თვენახევრის განმავლობაში ამბობდა “სამართლიანი არჩევნები” და შემდეგ, რაც იცოდნენ, რომ რასაც ამბობდნენ ტყუილი იყო, ვეჭვობ, რომ თავიდანვე იცოდნენ, მაგრამ მალვდნენ, ეს იყო ყველაზე დიდი იარაღი იმისთვის, რომ ოპოზიციას რევოლუციაზე ლაპარაკის უფლება ჰქონოდა. ეს იყო ყველაზე დიდი იარაღი ოპოზიციისთვის იმისთვის, რომ ისინი არ შემოდიან პარლამენტში და არჩევნები გაყალბებულია”,- ამის შესახებ “ქართული ოცნების” დეპუტატმა სოზარ სუბარმა “სამართლიანი არჩევნების” განცხადებასთან დაკავშირებით განაცხადა.

“მოგვიანებით, იძულებულები გახდნენ, რომ ეთქვათ სიმართლე და დარწმუნებული ვარ, “ისფედის” ხელმძღვანელებიც მონაწილეობდნენ მთელ ამ სცენარში, ახლა კი ეძებენ გამოსავალს, რანაირად გააკეთონ ისე, რომ ისინი მართლები არიან და მართალია, იმ პუნქტში გამტყუნდნენ, მაგრამ სხვა პუნქტში არიან მართლები.

რამდენჯერმე მოვუსმინე დიდი ყურადრებით, მაგრამ ვერ გავიგე, რაზე ჩაატარეს ის ბრიფინგი. დავუშვათ, რაღაც არ მოსწონთ, ამისთვისაა ჩვენი შეთავაზება – გავხსნათ, გადავთვალოთ და თუ რაიმე დარღვევა იქნება 1%-ის ფარგლებში, თავიდან ჩავატაროთ არჩევნები, მაგრამ ასეთს ვერ მონახავენ. მიუხედავად იმისა, რომ მრისხანე ტექსტები ჰქონდათ, თვითონაც თქვეს, რომ თურმე რაღაც არასწორად მოხდა, ამას შედეგებზე გავლენა არ მოუხედენიაო და კი, ბატონო, იყოს ასე”,- განაცხადა სუბარმა.