პარტია „ახალი საქართველოს“ ლიდერი გიორგი ვაშაძე პანდემიის გამო არჩევნების შესაძლო გადადების საკითხს ეხმაურება. ვაშაძის თქმით, პოლიტიკური ძალა ადამიანის ჯანმრთელობით სპეკულირებს.
„როდესაც ჯანმრთელობით სპეკულირებს პოლიტიკური ძალა, ეს არის ბინძური პოლიტიკური თამაში. დღევანდელი მდგომარეობით არანაირი პრობლემა არჩევნებს ოქტომბრის ბოლოს არ ექნება. რაც ყველაზე მთავარია სამი თვის შემდეგ გამოვიდა გახარია და ამბობს, ყველგან უნდა გვქონდეს მასობრივი ტესტირების მექანიზმიო, მე როგორც ვხედავ სპეციალურად აჭიანურებენ ამ პროცესს, რომ ჰქონდეთ გეგმა „ბ“ – თუ ოქტომბრის ბოლოსთვის მათ ექნებათ მძიმე რეიტინგები და პოლიტიკური მდგომარეობა , შეეცდებიან არჩევნები გადაიტანონ დეკემბრის ბოლოსთვის.
ეს არის ცეცხლთან თამაში, ადამიანის ნერვებზე, არანაირი ვითარება არ არის არჩევნების გადასადებად,“- განაცხადა გიორგი ვაშაძემ.
„ქართული ოცნების“ წევრმა ირაკლი კობახიძემ განაცხადა, რომ თუ ეპიდსიტუაცია გაუარესდება, შესაძლოა არჩევნები დეკემბერში ჩატარდეს.
