„არაფერი მომხდარა. სამწუხაროდ, თაკო ჩარკვიანს ახასიათებს პერიოდული შემოტევები, რაც ძალიან სამწუხაროა. სამწუხაროა, რომ ის აჰყვა ნაცვლიშვილის და რამიშვილის „პოსტ ტვ-ს“ ნარატივს”,- ამის შესახებ ბურჯანაძემ „პალიტრანიუსის“ გადაცემა „დღის ნიუსრუმში“ განაცხადა.
“იმდენად ემოციურად უსმენს ჩემს გამოსვლებს, ეტყობა, მიუხედავად იმისა, რომ უჭკუო ქალი არ არის, არასწორად გამოაქვს დასკვნები. მე არსად მითქვამს, რომ ის პარლამენტში შესვლას აპირებს. ის დაადგა ელისაშვილ – „გირჩის“ გზას იმ მიმართულებით, როდესაც ელისაშვილი და „გირჩი“ პირდაპირ ურტყამდნენ, აკრიტიკებდნენ ოპოზიციას და ამით ცდილობდნენ ოპოზიციის ერთობის დარღვევას.
ქვეყანა უმძიმეს მდგომარეობაშია, ასეთი განსაცდელი არ გვქონია არცერთი ხელისუფლების დროს. ჩვენ გვყავდა ხელისუფლებები, რომლებმაც ბევრი რამ გააკეთეს, ბევრი შეცდომა დაუშვეს. ახლა გვყავს ხელისფულება, რომელსაც ქვეყანა ჭაობში მიჰყავს. ახლა იმაზე გულყრები, ვიღაცა ბრძოლაში წინ წავიდა, ვიღაცა ბრძოლაში უფრო აქტიურად ჩანს, ვიღაც დარბევის დროს ჩანს და არ ჩანს, ძალიან სასაცილოა.
მოდი, ყველა შევეჯიბროთ ერთმანეთს, ვისაც მეტი შეგვიძლია, ის გავაკეთოთ. გულის წასვლები იმაზე, რომ ვინ მეტჯერ რატომ გამოჩნდა ტელევიზიაში, ვინ რატომ ჩანს აქტიურად გადაწყვეტილების მიღების პროცესში, ძალიან არასერიოზულია, მითუმეტეს იმ ხალხისგან, ვისაც თავი ამომავალი ვარსკვლავი ჰგონია“, – აღნიშნა ბურჯანაძემ.
შეგახსენებთ, თაკო ჩარკვიანმა განაცხადა, რომ ნინო ბურჯანაძე რუსი სახელმწიფო მოხელის, სერგეი გავრილოვნის ინტერესების გატარეას ემსახურება.
