ავღანელ ქალებს მამაკაცებთან ერთად მუშაობის საშუალება არ უნდა მიეცეთ,- ამის შესახებ რადიკალური მოძრაობა „თალიბანის“ მაღალჩინოსანმა, ვაჰიდულა ჰაშიმიმ განაცხადა. ინფორმაციას Reuters-ი ავრცელებს.
მისივე თქმით, „თალიბანი“ შარიათის კანონს ავღანეთის ტერიტორიაზე სრულად განახორციელებს.
„შარიათის კანონი არ აძლევს ქალებსა და მამაკაცებს ერთად შეკრებისა და ერთი სახურავის ქვეშ ყოფნის უფლებას. ქალებსა და მამაკაცებს არ შეუძლიათ ერთად მუშაობა. ეს გასაგებია. მათ არ აქვთ უფლება მოვიდნენ ჩვენს ოფისებში და ჩვენს სამინისტროებში იმუშაონ“, – განაცხადა ვაჰიდულა ჰაშიმიმ.
