“ექიმი და ექთანი თუ არ იცრება და არ ენდობა ვაქცინაციას, ძალიან რთულია მოსახლეობის დარწმუნება იმაში, რომ უნდა აიცრან და ვაქცინაცია მათთვის სასიკეთოა”, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
მისივე თქმით, ქვეყანაში ვაქცინაციის პროცესი უიღბლოდ დაიწყო.
” ჩვენ ძალიან უიღბლოდ დავიწყეთ ვაქცინაციის კამპანია, რამაც კიდევ უფრო მეტი შიში და უნდობლობა გამოიწვია ვაქცინაციასთან დაკავშირებით. ამდენად, მოგვიწევს დიდი ძალისხმევის გაწევა, რომ ეს ნდობა აღდგეს და ეს იქნება ასევე სამედიცინო პერსონალის აქტივობა, რადგან ექიმი და ექთანი თუ არ იცრება და არ ენდობა ვაქცინაციას, ძალიან რთულია მოსახლეობის დარწმუნება იმაში, რომ უნდა აიცრან და ვაქცინაცია მათთვის სასიკეთოა.
ჩვენ უნდა მივიღოთ სამედიცინო პერსონალის მაღალი აქტივობა გარკვეულ პერიოდში და ასევე, მოსახლეობაც იყოს მეტად ინფორმირებული. საინფორმაციო პროცესები დაწყებულია…” , – განაცხადა თამარ გაბუნიამ.
შეგახსენებთ, რომ 13 მარტს საქართველომ “ასტრაზენეკას” ვაქცინის 43 ათასი დოზა მიიღო. 15 მარტიდან ქვეყანაში ვაქცინაციის პროცესი დაიწყო.
ვაქცინაციის შემდეგ 27 წლის მეგი ბაქრაძე ანაფილაქსიური შოკის შედეგად გარდაიცვალა.
