თამაზ მეჭიაური საპარლამენტო არჩევნებში მონაწილეობას გეგმავს. ამის შესახებ თიანეთის მერმა „TV პირველთან“ ისაუბრა.
მისივე თქმით, უახლოეს დღეებში ის მერის თანამდებობასაც დატოვებს და საარჩევნო მარათონში ჩაერთვება.
„ვაპირებ გადადგომას 2-3 დღეში იმიტომ, რომ საპარლამენტო არჩევნებში მონაწილეობის მიღებას ვაპირებ“, – განაცხადა მეჭიაურმა.
თამაზ მეჭიაური თიანეთის მერის თანამდებობას 2017 წლიდან იკავებს. მანდ არჩევნებში მმართველი პარტიის კანდიდატი დაამარცხა. მანამდე, მეჭიაური „ქართული ოცნებიდან“ 2012-2016 წლებში პარლამენტის დეპუტატი იყო, 2016 წლის მაისში კი მან მართველი პარტია დატოვა.
