სოხუმის დაცემის 27- ე წლისთავზე, საქართველოს ერთიანობისათვის დაღუპული გმირები, თელავშიც გაიხსენეს.
ომის ვეტერანები და ადგილობრივი ხელისუფლების წარმომადგენლები, აფხაზეთში დაღუპული ჯარისკაცის, დავით შიომღვდლიშვილისა და ტამიშის გმირების საფლავებზე იმყოფებოდნენ.
,,დღეს საქართველოს ისტორიაში ერთ-ერთი ყველაზე მძიმე და ტრაგიკული დღეა. მე მჯერა, რომ საქართველოს დაკარგულ ტერიტორიებს უახლოეს მომავალში დავიბრუნებთ და ამ ჯარისკაცების თავგანწირვა უკვალოდ ნამდვილად არ ჩაივლის”,- განაცხადა თელავის მუნიციპალიტეტის მერმა, შოთა ნარეკლიშვილმა.
ვეტერანებმა და თვითმმართველობის წარმომადგენლებმა, ყვავილებით შეამკეს, ქვეყნის ერთიანობისათვის ბრძოლაში დაღუპულ გმირთა მემორიალიც.
ხსოვნის ღონისძიებას , საქართველოს ეროვნული გვარდიის, მე-20 კადრირებული ბრიგადის სამხედრო მოსამსახურეებიც ესწრებოდნენ.
საომარი მოქმედებები აფხაზეთში, 11993 წლის 27 სექტემბერს სოხუმის დაცემით დასრულდა.
ავტორი: ხათუნა გულიაშვილი
