ინდური შტამი საქართველოში შესაძლებელია, გავრცელდეს, მაგრამ ჯერ საბედნიეროდ არ გავრცელებულა, – ამის შესახებ ინფექციური საავადმყოფოს გენერალურმა დირექტორმა, თენგიზ ცერცვაძემ განაცხადა.
მისივე თქმით, ლიდერი ვაქცინები, რომლებიც გამოიყენება, „ფაიზერი“, „ასტრაზენეკა“ და ჩინური, ისინი ინდური შტამისგანაც იცავენ.
„საქართველოში შესაძლებელია, გავრცელდეს, მაგრამ ჯერ საბედნიეროდ არ გავრცელებულა. ისე შეუძლებელი არაფერი არ არის, რაღაც დროს ალბათ გავრცელდება. ბრიტანულ, სამხრეთ აფრიკულ და ბრაზილიურთან შედარებით, ინდური შტამის შესახებ მწირი ცოდნაა. ინდურ შტამთან დაკავშირებით ვარაუდობენ, რომ ცოტა მეტი მუტაციაა, ვიდრე იყო ბრიტანულ შტამში. ჯერჯერობით მხოლოდ ის ვიცით, რომ როგორც ბრიტანული შტამი, ისიც უფრო მარტივად გადამდებია, უფრო სწრაფად ვრცელდება, მეტი არაფერი. რაც შეეხება ვაქცინას, ოფიციალური განცხადებაა, რომ ლიდერი ვაქცინები, რომლებიც გამოიყენება, „ფაიზერი“, „ასტრაზენეკა“ და ჩინური, ისინი ინდური შტამისგანაც იცავენ“, – განაცხადა თენგიზ ცერცვაძემ.
