თორნიკე რიჟვაძემ ახალ საარჩევნო სისტემას ქართველი ხალხის კიდევ ერთი გამარჯვება უწოდა. ამის შესახებ მან მთავრობის სხდომაზე განაცხადა.

„ნიშანდობლივია რომ ეს გამარჯვება და მიღწევა სწორედ,  „ქართული ოცნების“ მმართველობის დროს იქნა მიღწეული და რა თქმა უნდა, ეს არის გამარჯვება ყველა იმ ჩვენი სტრატეგიული პარტნიორის, განსაკუთრებით იმ ფასილატორი ელჩების, რომლებმაც მოგვცეს საშუალება, რომ ეს შეთანხება შემდგარიყო“ – განაცხადა მთავრობის სხდომაზე თორნიკე რიჟვაძემ.

მისი თქმით, არჩევნებთან დაკავშირებით აქტიურად მიმდინარეობს კონსულტაციები.

„მე მაქვს მოლოდინი, რომ ძალიან მალე დასრულდება ეს პროცესი და აჭარაშიც მსგავსი საარჩევნო სისტემის განხორციელება მოხდება და შემდგომ ვნახავთ უკვე გამარჯვებულებსაც და დამარცხებულებსაც“, – განაცხადა რიჟვაძემ.

ცნობისთვის, პარლამენტმა მესამე მოსმენით საკონსტიტუციო ცვლილებებს მხარი დაუჭირა. 

2020 წლის საპარლამენტო არჩევნები 120/30-ზე პროპორციით ჩატარდება, ბარიერი კი 1% იქნება.

აღნიშნული შეთანხმება 8 მარტს, საერთაშორისო პარტნიორების მონაწილეობით, ოპოზიციასა და მმართველ გუნდს შორის შედგა.

ისტორიული კენჭისყრა! – რა ვიცით, საკონსტიტუციო ცვლილებებზე, რაც დღეს ოფიციალურად გაფორმდა