აჭარის მთავრობის თავმჯდომარე თორნიკე რიჟვაძემ აჭარაში ეპიდსიტუაციის გართულებასთან დაკავშირებით განცხადება გააკეთა.
თორნიკე რიჟვაძის თქმით, ბოლო დროს რეგიონში კოვიდინფიცირების შემთხვევები გამოჯანმრთელებულთა რაოდენობაზე მეტია, რისი ერთ-ერთი მიზეზიც მთავრობის სახლთან მიმდინარე აქციებია. ეს კოვიდსიტუაციას კიდევ უფრო ართულებს და ხელს უშლის იმ ნაბიჯების წარმატებით განხორციელებას, რომელსაც მთავრობა ვითარების დასტაბილურების მიზნით დგამს.
„ჩვენ უკვე გამოწვევად გვექცა, რომ ეპიდვითარების დინამიკა, რომელიც იყო სტაბილიზაციისკენ მიმართული, აქციების გამო კიდევ უფრო რთულდება, გამოწვევები იმატებს. არიან ადამიანები, რომლებიც რეალურად სიმპტომებით დადიან აქციებზე, პირდაპირ გეტყვით. ამიტომ, რა თქმა უნდა, ჩვენს ექიმებს, მათ შორის სამედიცინო ინფრასტრუქტურას და ჯანდაცვის სექტორს, კიდევ უფრო მეტი გამოწვევა აქვს. თუმცა, ჩვენ შემდეგი პერიოდის განმავლობაში ვაპირებთ ისევ პროაქტიულად ვმართოთ ეპიდვითარება, როგორც აქამდე ვაკეთებდით . დღეს დაგვემატა ახალი საწოლ ფონდი და შესაბამისად, ყველა მოქალაქეს ექნება ხელმისაწვდომობა როგორც ბინაზე მკურნალობის, ასევე სტაციონარში“, – აცხადებს თორნიკე რიჟვაძე.
ავტორი: ნაირა ქობულაძე
