აჭარის მთავრობის მეთაური, თორნიკე რიჟვაძე დარწმუნებულია, რომ მომდევნო ორი კვირის განმავლობაში შესაძლებელი იქნება, რეგიონში კიდევ უფრო დავსტაბილურდეს ეპიდვითარება.
საბოლოო ჯამში ეს ვაქცინაციის ტემპსა და წესების დაცვაზე იქნება დამოკიდებული. მისივე ინფორმაციით, რეგიონში პედაგოგთა 50%-ზე მეტი უკვე ვაქცინირებულია, საკოორდინაციო საბჭო კი აცრილთათვის წამახალისებელ ღონისძიებებზე მსჯელობს.
„მთავრობა მუშაობას იმაზე, რომ იყოს დამატებითი წამახალისებელი ღონისძიებები და დარწმუნებული ვარ, მოქალაქეთა პასუხისმგებლობასთან ერთად ეს იმუნიტეტის გამომუშავებას აცრის საფუძველზე კიდევ უფრო შეუწყობს ხელს. ასევე, მინდა აღვნიშნო, რომ აჭარაში უკვე ვაქცინირებულია პედაგოგთა 50%-ზე მეტი და იმედი მაქვს, სხვა სფეროს წარმომადგენლებიც ასეთივე მაღალი პასუხისმგებლობით ჩაერთვებიან ვაქცინაციაში. ჩვენ კი გავაკეთებთ ყველაფერს, რომ წახალისების კუთხით იყოს კონკრეტული ღონისძიებები და იყოს ხელმისაწვდომობა ვაქცინებზე. ამიტომ, წამახალისებელი ღონისძიებებეი დღის წესრიგში დგას და კიდევ უფრო მეტი იქნება შემდეგი თვიდან.“- განაცხადა თორნიკე რიჟვაძემ.
