თქვენ, ზოგიერთი ვერ აცნობიერებთ, რა მოვლენის მომსწრე გახდით დღეს აქ, მთელი ოპოზიციური სპექტრის გაერთიანებისა,- ამის შესახებ ჟურნალისტებთან გაერთიანებული ოპოზიციის ერთ-ერთი ლიდერი, ნიკა მელია აცხადებს.
„მე ვარ ყველა იმ ადამიანის მტერი და ვიქნები, ვინც ოდნავ მაინც ეცდება ეს უნიკალური ერთობა ჩრდილქვეშ დააყენოს. ამას ბევრჯერ გავიმეორებ.
თუ შევატყობ, რომ ნებისმიერი პოლიტიკოსის რიტორიკა არ ემსახურება ერთობის კიდევ უფრო შედუღაბებას, ჩემი პოზიცია იქნება მკვეთრი. მაგრამ დარწმუნებული ვარ, ვინც დღეს ქართულ პოლიტიკაშია, ბოლომდე იქნება მოწადინებული, რომ ეს ერთობა უფრო გაძლიერდეს“, – განაცხადა ნიკა მელიამ.
შეგახსენებთ, ოპოზიციური პარტიების წარმომადგენლებმა ერთობლივი განცხადება მოამზადეს, სადაც აღნიშნულია, რომ ისინი საპარლამენტო მანდატებზე უარს ამბობენ.
შეგახსენებთ, ოპოზიციური პარტიების წარმომადგენლებმა ერთობლივი განცხადება მოამზადეს, სადაც აღნიშნულია, რომ ისინი საპარლამენტო მანდატებზე უარს ამბობენ.
ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე
