„თუ აღმოჩნდება, რომ რაღაცის გამო ნაკადი უფრო დაბალი იქნება და ჩემი აცრა იქნება მნიშვნლოვანი მოტივაციისთვის, აქვე თუ გნებავთ, ამ ტრიბუნასთან გავიკეთებ ამ აცრას“,- ამის შესახებ უმრავლესობის წევრმა, დავით სერგეენკომ განაცხადა.
როგორც სერგეენკო აცხადებს, პროტოკოლით კორონავირუსის საწინააღმდეგო აცრა ჯერ სამედიცინო პერსონალს უნდა ჩაუტარდეს.
„არსებული პროტოკოლი ითვლისწინებს მოქმედი სამედიცინო პერსონალის აცრას. პოლიტიკური ფიგურების ჩართვა კარგი იქნება კამპანიისთვის, თუმცა პირველ დღეებში რამდენიმე პოლიტიკურმა ფიგურამ თავი შეიკავა, რადგან ენახა ნაკადი, თუ იქნებოდა მოთხოვნა იმ ადამიანებისგან, ვისაც ეკუთვნოდა ეს ვაქცინა, დაუთმობდა. მე აქტიური მოქმედი ექიმი აღარ ვარ, ჩემი რიგი ჯერ არ არის, თუ აღმოჩნდება, რომ რაღაცის გამო ნაკადი უფრო დაბალი იქნება და ჩემი აცრა იქნება მნიშვნლოვანი მოტივაციისთვის, აქვე თუ გნებავთ, ამ ტრიბუნასთან გავიკეთებ ამ აცრას. იგივე ლოგიკაა ჯანდაცვის მინისტრთან მიმართებაში, მან დააფიქსირა თავისი მზაობა ამისათვის“,- განცხადა დავით სერგეენკომ.
