“საზოგადოების ნების საწინააღმდეგოდ ვერავინ გაბედავს და თუკი ვინმეს ექნება სურვილი სცადოს არადემოკრატიული გზით პროცესების მხარდაჭერა, ამას ექნება ადეკვატური რეაგირება”,- ამის შესახებ იურიდიულ საკითხთა კომიტეტის თავმჯდომარე ანრი ოხანაშვილმა ჟურნალისტებთან განაცხადა.
“რევოლუცია და ლეგიტიმური საწყისშივე ურთიერთსაწინააღმდეგო ცნებებია, არ არსებობს ამის არც პოლიტიკური და არც სამართლებრივი საფუძველი და რაც მთავარია, ხალხის ნება გამოხატულია და შედგა, როცა მათ მიიღეს არჩევნებში მონაწილეობა, დადასტურებულია ჩვენი საერთაშორისო პარტნიორების მიერ, შესაბამისად, ევროსაბჭოს საპარლამენტო ასამბლეა იმ ჯგუფებს, რომლებიც უარს ამბობენ მანდატებზე და სურთ საბოტაჟში მონაწილეობა, უწოდებს საქართველოში დემოკრატიისთვის ძირგამომთხრელ პარტიებს,”- განაცხადა ოხანაშვილმა.
