უნდა გვახსოვდეს, რომ თუ ვითარება გაუარესდება, ჩვენ ისევ გავხდებით იძულებულები, რომ გარკვეული შეზღუდვები დავაბრუნოთ, – ამის შესახებ საქართველოს პრემიერ-მინისტრმა ირაკლი ღარიბაშვილმა განცხადა.
„კიდევ ერთხელ მივმართავ მოსახლეობას, რომ პირბადის ტარება აუცილებელია და ჩვენ, ყველამ ერთად უნდა ვიზრუნოთ ამ მიმართულებით. მოგეხსენებათ, შევამსუბუქეთ შეზღუდვები. ყველა ეს ღონისძიება ემსახურებოდა იმას, რომ მაქსიმალურად სწრაფად აღდგეს და გაიხსნას ეკონომიკა. მეორე მხრივ, ჩვენ უნდა გვახსოვდეს, რომ თუ გაუარესდება ვითარება, ჩვენ ისევ იძულებული გავხდებით, რომ გარკვეული შეზღუდვები დავაბრუნოთ. სწორედ ამის თავიდან აცილების მიზნით, საჭიროა, ელემენტარული მოთხოვნები დავიცვათ. რა თქმა უნდა, ამას მთავრობის მხრიდან შესაბამისი კონტროლიც სჭირდება“, – განაცხადა ირაკლი ღარიბაშვილმა.
